Leuen

Dit gaan nie goed met my nie.
Jy het my gedruk na ’n
eensame hoekie op ’n eiland,
waar ek helder oordag drogbeelde
sien fladder in my geestesoog.

Dit gaan nie goed met my nie,
nie na jy my by jou wêreld
ingetrek het, my getap het,
misbruik het, ek maar net nog ’n
voetstoeltjie in jou sekskepades was nie.

Ek loop nou op Paternosterstrand,
waar branders die huil uit my spoel.
’n Albatros se krasgeluid my kom
vertel; jy was net nooit, vir my bedoel.

Schrijver: Floris Abraham Brown (Afrikaanse taal)